 |
| احمد بكااار |
ليله ميلادها
ياقمر يامسهر العشاق
بامجمع شمل ناس
ومبكى ناس على ناس
روح لها
ووصف لها انه فقلبى حبها
وانه مهما بعدت بقولها
(سنه جديدة فعمرك سعيدة )
وانه مهما طالت سنين العمر
هفضل باقى على العهد
مخلص وعاشق
كاويه الوجد
***
ياقمر فاكر سهرنا
وايدى فايديها
زى النهاردة احتفلنا بيوم ميلادها
وللهديه طلبت منها
تغمض عنيها
ودخلنا سينما
وركبنا مركب
ورقصنا وغنينا
وللفرحة مخلينا
ياااه ياقمر مش قادر اكتب
قولها انى طفيت شمعة عمرها
حتى الهديه جبتلها
لكن ياقمر ملقتهاش
وهديتى مقدمتهاش
والشمعة اللى طفيتها
حرقت احلامى ومعشتهاش
وميلادها اللى كان فرحتى باللقى
اصبح سبب احزانى
وصوتها اللى كان فى الليلادى
بيشجينى بيسعدنى
السنه دى مر على ودنى
بكانى
هز وجدانى
ياقمر سامعنى
حاسسنى
فاهمنى ولا اقول تانى
ليست هناك تعليقات:
إرسال تعليق