( سوهاج : يوم الثورة على التعذيب والفقر والفساد والبطالة ) مشاركتهم في مظاهرات يوم 25 يناير " عيد الشرطة " .
وجاء في نص الدعوة :
لو خايف على مصر .. لو عايز حقك .. انضم لينا .. وشارك وكفاية سكوت بقه لحد كده
احنا مش أقل من تونس .. نزل عشرات الآلاف جابوا حقوقهم كلها ووصلت لدرجة إقالة رئيس الجمهورية وهروبه من البلد .. احنا عايزين حقوقنا ..
مش عايزين بطالة وطوابير عيش وطوابير أنابيب وشباب مش لاقي يتجوز .. في نفس الوقت اللي فيه حرامية في بلدي بيسرقوا المليارات ويهربوا .. وبيشتروا أراضي ومصانع الشعب برخص التراب
...
عايزين اللي قتل خالد سعيد يتعاقب واللي قتل السيد بلال يتعاقب واللي اتسبب في موت المصريين في اسكندرية ونجع حمادي يتعاقب وعايزين وزير الداخلية يستقيل .. عايزين أي شخص عذب مصري يتحاكم .. عايزين قانون الطوارئ يتلغي .. مش عايزين قمع في مصر .. عايزين نكون أحرار
عايز أعرف أعبر عن رأيي في بلدي .. عايز مخافش من أمن دولة ولا ضابط شرطة .. عايز يتم معاملتي بآدمية واحترام بغض النظر عن جنسي ولا لوني ولا ديني ولا حالتي المادية
يللا يا شعب قوم وفوق!
يوم 25 يناير لازم نوري العالم كله إننا مش شعب خانع ولا شعب جبان
مطالبنا الأساسية:
أولا: رفع الحد الأدنى من الأجور لـ 1200 جنيه عملا بأحكام القضاء وصرف إعانات للعاطلين عن العمل
ثانيا: إلغاء العمل بحالة الطوارئ وإقالة وزير الداخلية وإخراج كل المعتقلين بدون أحكام قضائية
ثالثا: حل مجلس الشعب وإعادة الانتخابات مع ضمان نزاهتها وتعديل الدستور لمنع ترشح أي رئيس لأكثر من فترتين رئاسيتين.
كما اعلنت ايضا ان مكان التظاهر سيعلن يوم 24 يناير .
ليست هناك تعليقات:
إرسال تعليق